Ik heff dat ni mitmookt, dat mit de Nazis. Bruune Gesinnung seggt se dorto. Und de, de sik hüüt Skinnhedds oder Skins, nöhmt, de hebbt dat domols ok nich mitmookt. Bruune Gesinnung seggt se uk dorto.

Bruune Gesinnung , ik heff mi mol Gedanken mookt, wi düise Kolör op disse Oort Minschen passt, op de Skins meen ik. De vun doomols, dat is je kloor. Wie kummt Bruun överhaupt tostann? Ik bünn dorbi mol noh de Lehre vun de Farven gohn, und to dütt Ergebnis koomen. Kiek wi uns mol an, welche Farven in Froog koomt: Wi nehmt mol Blau, Rot, Geel, Gröön und Swatt. Wenn du nu disse Farven tohoop geeten deist, denn bekummst du een bruune Kolör. Geel und Blau ansik giv schon Gröön, aver erstens kannst dat dörch mehr Rot wedder utglieken, und tweetens mookt sik dat in disse Geschichte beter. Wieso denn uk Swatt, froogst du? Swatt gehört noh de Farbenlehre ni mit dorto? Stimmt, segg ik, aver dat mookt dat Bruun een beeten düsterer. Soveel nu wie noh mien Farvenlehr, dat Bruun mookt ward.

Koomt wi to de Skins. Also, wenn du een Skin seen deist, hett he meersten een Buddel Beer inne Hand. Beer, is Geel, und wenn du genoch drinken deist, mookt dat besoopen, warst also Blau vun. Tweete Farv in dat Bispeel. Wenn een Minsch nu besoopen is hett he de Neigung, as dat so schön heet, dumm Tüch to mooken. De Skins mookt nu mool geern dumm Tüch, und wenn se Blau sünd, noch meer als sonst. Also kummt de Polizei, und de sünd, drütte Farv, Gröön. Wenn een Skin nu Polizei süht, süht he - na? Ne, ni Gröön, he süht Rot. Und wiel dat se besoopen sünd seht se duppelt, also tweemol Rot. Mookt tosoomen Bruun, - jewohl. Kummst mit? Also nochmol anners. Geeles Beer mokt Blau. Geel und Blau giv Gröön, doorto grööne Polizei is tweemol Gröön. Tweemol Gröön und duppelt Rot kieken, is Bruun. Nu alles Kloor?