Jan Tiedemann vun Willemskoog
is in sien Gorn togang,
da kummt een grotet Auto dor
langsam de Dörpstroot lang.

Bi Jan hält de Mercedes an,
een Mann de stich dor rut,
doch Jan graft ruhi wieder um
und treck een scheewe Schnut.

De Fremme frog nu noh den Wech,
wull noh de Nielandhall.
Jan sech: „Denn büs Du ganz verkehrt,
ick dach mi dat je all.“

„Fohr disse Stroot man weer torüch
un dör dree Steupen dör
un denn fiefhunnert Meter links,
denn steihst Du d'reck dorvör.“

De fremme Mann de wunnert sick.
Das Jan "du" to em seggt,
un denkt bi sick in Stillen:
De is doch riekli frech.

„Mein Herr, Sie kennen mich wohl nicht,
ich seh es Ihnen an.
Ich bin Amtsgerichtsrat Macke.“
Dat sech he nu to Jan.

„Dat gleuf ick Di,“ sech Jan to em
un grient so för sick hin,
„darum muß Du dor liekers lang,
sonst warrs du dat nich finnen!“

Startseite                 Zurück