Kloos Voß harr endli Fieromd
un harr dat mächdi hild,
he wull noch swattarbei 'n
un führ uk rech so wild.

In Smedeswurt mallör dat denn,
em führ een inne Siet.
De Autodör flog open
un Kloos leg inne Schiet.

Nu keem de Krankenwogen,
Kloos blött uck gor ni slech.
De Mann vun't „Rode Krüz“ stell fast:
Dat rechte Ohr wer wech.

Lang bruken se ni seuken,
do harrn se dat uck funn.
De Dokter schull versöken,
ob he dat anneihn kunn.

Dor kick sick Kloos dat Ohr an
un sech: „Dat is nich mien,
wenn dat mien rechtet Ohr wen schall,
denn mutt dor'n Bliestiff achter sien!“

Startseite                 Zurück